Presidenti i Juventusit, Andrea Agnelli dhe trajneri i skuadrës Mauricio Sarri, kanë mbajtur një takim privat mes tyre për të biseduar rreth situatës së vështirë që po kalon klubi bardhezi.
“La Stampa” bën të ditur se Agnelli, është mjaft i shqetësuar me dy humbjet që ka pësuar skuadra në tre ndeshjet e fundit, dhe ka kërkuar garanci nga tekniku 61-vjeçar.
Presidenti dhe drejtori sportiv i kanë dhënë besimin Sarrit, por kanë kërkuar nga ai që të rifitojë besimin e lojtarëve dhe skuadra të rikthehet te fitoret që në ndeshjen e radhës.
Ndeshja e radhës e Juventusit është ditën e enjte, teksa luajnë kundër Milanit në transfertë në sfidën e parë për gjysmëfinalen e Kupës së Italisë.
