Alketa Vejsiu ka qënë mbrëmjen e djeshme e ftuar në “Opinion” nga Blendi Fevziu. Ajo foli për arritjen e saj në Sanremo dhe sqaroi zhurmat e dy muajve të fundit. Mbi të gjitha sqaroi edhe faktin se nuk e ka ndihmuar Edi Rama të shkojë në Sanremo por ka shkuar me meritën e saj.
A e ndihmoi Edi Rama të shkonte në Sanremo?
“Edi Rama dhe të gjithë kryeministrat do kishin bërë mirë t’ia kishin lehtësuar rrugën njerëzve të talentuar të këtij vendi. Mua më ka ndihmuar vetëm talenti im” – tha ajo.
Alketa Vejsiu shtoi se nuk pret asgjë nga kryeministri.
“Absolutisht, zero. Edi Rama do të bëjë gjërat që duhet të bëjë për Shqipërinë, por jo ëndrrat e Alketa Vejsiut se nuk më ka asnjë borxh dhe nuk kam ç’ti pretendoj asgjë Edi Ramës unë.
E pyetur se me Ramën çfarë marrëdhënie ka, Alketa Vejsiu tha:
“Unë kam gruan e Edi Ramës mike dhe për mua është një nga gratë më të jashtëzakonshme që frymëzon. E kam patur mike përpara se të njohë Edi Ramën.”
