Një 37-vjeçar shqiptar, emri i të cilit nuk bëhet i ditur, ka mbetur i plagosur me armë zjarri, pas një sherri në një klub nate në Pontecurone të Italisë.
Autori i ngjarjes u identifikua pas dëshmive të pronarit të lokalit dhe klientëve që ndodheshin aty në momentin e ngjarjes.
Ai është një 58-vjeçar, identiteti i të cilit gjithashtu nuk bëhet i ditur. 58-vjeçari u kap pranë një supermarketi dhe nuk e kishte armën me vete. Por pas marrjes në pyetje, autori i dyshuar ka treguar se armën e kishte hedhur në një zonë me shkurre pranë hekurudhës, atje ku edhe u gjet nga policia.
Shqiptari raportohet se është plagosur në këmbë dhe dorë. Pas ngjarjes ai u transportua në spital, ku ndodhet edhe jashtë rrezikut për jetën.
