Forcat e Ndërhyrjes së Shpejtë, në kuadër të anti-KÇK, janë angazhuar në aksione për bllokimin e automjeteve luksoze, prodhime të viteve të fundit, që do t’i nënshtrohen verifikimeve.
Sikundër raportohet në të gjithë vendin janë bllokuar përkohësisht 100 automjete, nga të cilat 9 ndodhen në Tiranë.
Burime policore bëjnë me dije se kontrolli po konsiston nëse këto automjete janë apo jo të vjedhura.
Raportohet se të gjitha automjetet po i nënshtrohen verifikimeve, ndërsa më pas posejduesit duhet të provojnë burimin e parave për blerjen e tyre.
Ndërkohë, Policia njoftoi se gjatë natës janë ngritur disa pika kontrolli në akset kryesore rrugore, por edhe në pikat hyrëse dhe dalëse të qyteteve.
Policia njoftoi se ka shoqëruar në komisariat për t’u marrë në pyetje 134 persona.
FNSH u angazhua në kontrolle në qytetet Berat, Fier, Gjirokastër e Pogradec.
