Jamarbër Malltezi, kreu i Departamentit për Mbrojtjen e Mjedisit në PD, përmes një postimi në rrjet denoncon Qeverinë Rama se do t’i japë rreth 479 mijë metra tokë biznesmenit Klodian Zoto për të ndërtuar impiantin e mbetjeve, (inceneratorin).
Malltezi shkruan se Zoto do të pëfitojë në mënyrë abuzuese këtë tokë, bashkë me paratë që qeveria sipas tij i ka dhuruar për ndërtimin e impiantit.
“478,800 m2 toke do ju merret qytetareve t’i dhurohet Rama-Zoto per impiantin e mbetjeve përveç 370 milione € që i dhuruat!”, shkruan Malltezi, ndërsa bashkëngjitur ka publikuar dhe disa dokumente, pjesë e një vendimi ku thuhet se shteti i jep një tokë shteërore një subjekti privat.
Qeveria i ka dhënë mundësinë e ndërtimit me koncesion biznesmenit Klodian Zoto për tri inceneratorët, një në Fier, një në Elbasan dhe një në Tiranë.
