Tirana, është një nga zonat më të prekura nga tërmeti i 26 nëntorit, i cili shkaktoi 51 viktima dhe mbi 900 të plagosur.
Referuar të dhënave zyrtare me qindra apartamente në Durrës, Thumanë, Krujë, Lezhë, Tiranë e Laç, janë shpallur të pabanueshme, ose me dëmtime të rënda.
Nga verifikimet në terren, rezulton se vetëm në Tiranë kanë kryer 7077 konstatime, nga këto 728 në pallate.
Sa i përket qarkut thuhet se 810 banesa janë të pabanueshme, 1937 të dëmtuara rëndë. Po ashtu 69 pallate janë pabanueshme; 132 të dëmtuar rëndë dhe 530 pallate të dëmtuar lehtë.
Po kështu një qendër shëndetësore, 32 shkolla dhe 106 biznese janë të dëmtuara.
Në Bashkinë e Kamzës, e cila përfshihet në qarkun e Tiranës, janë 12 grupe pune për verifikimin e dëmtimeve, të cilat kanë verifikuar 25 shkolla, nga të cilat, 1 ka dalë jashtë funksionit; 2 të dëmtuara rëndë; 15 të dëmtuara lehtë.
Janë verifikuar 20 kopshte, nga të cilat 4 janë jashtë përdorimit; 1 dëmtuar rëndë; 4 dëmtuar lehtë.
