Kreu i Partisë Demokratike Lulzim Basha vijon takimet me banoret e prekur nga termeti. Pas vizitës në zonën e Astirit në kryeqytet, ai ka udhëtuar drejt Borizanas, pak kilometra larg Thumanës.
Kreu i opozitës ka parë nga afër gjendjen duke theksuar faktin se në këtë zonë asnjë inxhinier dhe asnjë ekspert nuk ka shkruar për të parë situatën e rëndë.
Basha ka shpërndarë disa foto në Facebook, ku shkruan se banorët i kanë thënë se po detyrohen të marrin borxhe pasi shteti nuk po kujtohet tu vijë në ndihmë.
Postimi i plotë:
Ata qe kane mbetur jashte vemendjes jane shume. Ne Borizane pak kilometra larg Thumanes banoret qe u jane demtuar shtepite kane fjetur prej 1 jave nen streha plastmasi.
Familjet e demtuara presin vleresimin e banesave nga eksperte dhe inxhiniere por deri me sot askush nuk ka ardhur.
Me thane se po detyrohen te marrin borxhe sepse shteti nuk po kujtohet tu vije ne ndihme dhe nuk kane ku te shkojne.
Falenderoj kontribuesit dhe donatoret qe jane te vetmit qe kane shperndare ndihma ne kete zone, dhe bej thirrje per shtimin me urgjence te grupeve te vleresimit ne terren me qellim permbylljen sa me pare te vleresimit profesional te gjendjes se banesave. Koha nuk pret!
