Kreu demokrat Lulzim Basha ishte sot në njësinë administrative 6 në Tiranë, ku tërmeti i 26 nëntorit ka shkaktuar dëme të shumta dhe qindra banesa janë jashtë funksionit.
Mes vuajtjeve, stresit dhe tronditjes banorët kërkojnë vlerësim urgjent, strehim dhe ndihma ushqimore! Ata thonë se deri tani janë tërësisht jashtë vëmendjes dhe të braktisur në fatin e tyre.
“Mirënjohje për kontributet dhe ndihmën e disa bizneseve që ndonëse në vështirësi kanë strehuar 40 familje. Ndërkohë u informova se ndihma të tjera të destinuara nga Kosova për këtë zonë janë ndalur në Kashar dhe nuk kanë arritur në destinacion.
Gjithsesi vullnetarizmi nuk mjafton. Duhet menjëherë prania dhe ndihma e shtetit!”, shkruan Basha në rrjet, duke postuar pamje nga banesat e dëmtuara dhe që praktikisht janë të pabanueshme.
