Ministrja e Shëndetësisë, Ogerta Manastirliu, ka bërë me dije se 658 persona kanë marrë shërbim mjekësor.
Aktualisht po trajtohen 65 të lënduar, 8 nga të cilët janë në gjendje të rënduar, ndërsa dy prej tyre do të dërgohen në Itali për trajtim më të specializuar.
“Jemi në kontakt me partnerët tanë italianë që kanë sjellë misione shëndetësore për të na ndihmuar në këtë situatë të jashtëzakonshme dhe po bëhet vlerësimi i një djali 30 vjeçar dhe një vajze 20 vjeçare për t’u dërguar në Itali”, tha Manastirliu.
Nga tërmeti me magnitudë 6.4 i shkallës Rihter, humbën jetën 29 persona.
