Kryeministri Edi Rama dënoi nga foltorja e Kuvendit sulmet e Presidentit Meta ndaj Ndërkombëtarëve, SHBA-së dhe BE-së. Sipas Ramës, këto janë sulme të turpshme dhe që e vënë Shqipërinë në një situatë jo komode përballë aleatëve strategjikë. “Përplasja nuk është mes Ilir Metës dhe qeverisë, por mes Ilir Metës dhe drejtësisë.”-tha Rama.
Më tej ai e cilësoi Metën si një njeri pa busull i cili e ka kthyer institucionin e Presidentit në një frengji prej nga ku sulmon në katër anët.
“Presidenti Meta është nëj taksirat për vendin. Duhet të maerren masa ndaj cdo akti flagrant, të atij që e ka kthyer zyrën e presidentit një frengji, për të shantazhuar ndërkombëtarët dhe parlamentin. Besoj se Komisioni për shkarkimin e Metës duhet ta konsiderojë shumë seriozisht këtë gjë.
Komisioni i Ligjeve dhe të gjithë deputetët duhet të kontribuojnë të vijnë në Kuvend dhe të votojnë neutralizimin e akteve të Presidentit. Akteve anti-kushtetuese dhe anti-ligjore. Është shumë e thjeshtë. Kemi bërë një Reformë Drejtësie për të hequr interesat e politikës nga procesi i emërimeve.”- u shpreh Rama.
