Një shqiptar dhe një maroken u arrestuan nga policia italiane në kushtet e flagrancës, pasi po tentonin të vidhnin një biçikletë elektrike.
Orjal Meçal, 24 vjeç, dhe Miloud Tahiri, 37-vjeç nga Maroku, u kapën nga policia në Sant’Agnello. Ata janë me precedentë të mëparshëm penalë.
Policia i vëzhgoi ata teksa përpiqeshin të grabisnin një biçikletë elektrike të lidhur me zinxhirë pranë një pike postare.
Me një kaçavidë, ata kishin hequr tabelat e shtyllës ku ishte lidhur biçikleta dhe përpiqeshin ta nxirrnin, por u vunë re.
Shqiptari dhe marokeni arritën t’i shpëtonin policisë për disa minuta, duke u larguar me vrap drejt stacionit të trenit, ku zunë vend në një vagon.
Por policia ndali trenin dhe filloi kontrollin, duke bllokuar dy hajdutët.
