Nga Shkodra, kreu demokrat, Lulzim Basha, ka zgjedhur t’i përcjellë një mesazh të fortë Kryeministrit Edi Rama dhe grupeve kriminale që e mbështesin atë.
“Banda kriminale e Bajrave u bë njësh me Rilindjen, dhunuan vëzhguesit, nxorën pistoletat dhe i vunë në gjoksin e komisionerëve tanë, dhe manipuluan votat në favor të Edi Ramës.
Ata u versulën mbi pronat e shkodranëve, mbi vajzat e shkodranëve, dhe menduan se kishte nisur ora e mbretërimit të krimit të organizuar me ndihmën e Edi Ramën.
Por si injorantë që janë harruan se në cilin qytet janë. Ata që harrojnë zakon e kanun, siç thonë në Shkodër, i ul në gjunjë edhe 15 vjeçari më i ri i qytetit.
Harruan se ka një PD e vendosur të qëndrojë në krah të Shkodrës. Sot disa prej tyre janë prapa hekurave, mundohen të ndikojnë përsëri, tentojnë të lidhen në telefon me Edi Ramën, por po i them mos u lodhni shumë, se Edi Ramën do ua sjellim aty ku jeni, në burg”, tha Basha.
