Monika Kryemadhi, kryetare e LSI-së, duke folur nga rrethrrotullimi i Plepave, që është një nga pikat kyçe që është bllokuar nga protestat e opozitës, tha se ky është vetëm një paralajmërim për Edi Ramën.
“Rama nuk e ka parë ende revoltën e shqiptarëve, ende nuk ka parë mosbindjen civile të shqiptarëve”, tha Kryemadhi.
Sipas saj, kjo është një formë proteste e atyre qytetarëve që s’kanë mundësi të vijnë dhe të protestojnë në Tiranë.
“Rama nuk duhet të provokojë më shqiptarët. Shqiptarëve duhet t’i jepet shansi për zgjedhje të lira dhe të ndershme, ashtu si të gjithë qytetarëve europianë”, tha Kryemadhi.
