Një ngjarje e rëndë ka tronditur qytetin juglindor të Korçës gjatë së dielës. Pas një konflikti të çastit, burri ka vrarë me thikë bashkëshorten dhe më pas ka qëlluar edhe veten. Mësohet se krimi brenda familjes ka ndodhur në praninë e vajzës 5 vjeçare të çiftit.
Ngjarja e rëndë ka ndodhur në lagjen 17 në qytetin juglindor të Korçës në orët e para të mëngjesit të së dielës.
Sipas policisë mësohet se Mikel Xhiko 34 vjeç ka vrarë bashkëshorten Yllka Xhiko me thikë dhe më pas ka vrarë veten.
Gjithçka ka ndodhur pas një konflikti të çastit midis çiftit ndërsa mësohet se prezent në momentin e krimit ka qenë prezente edhe vajza e mitur.
Ngjarjen e kanë njoftuar fqinjët e çiftit të cilët kanë informuar policinë pasi kanë dëgjuar konfliktin dhe të qarat e fëmijës.
Policia ka nisur hetimet për zbardhjen e rrethanave të krimit ndërsa mësohet se Mikel Xhiko ka qenë më parë i dënuar me 4 vite burg për shitje heroine dhe vjedhje.
Paraprakisht mendohet se shkak për krimit ka qenë xhelozia por edhe gjendja e rënduar psikologjike e Mikel Xhikos i cili njihej si përdorues i heroinës.
