Vijon protesta e banorëve të Unazës së Re dhe dhjetra qytetarëve të Tiranës që po kërkojnë lirimin e protestuesve.
Policia e Tiranës ndaloi rreth 14 persona pas protestës së sotme të thirrur nga opozita, ndërsa ata po mbahen në ambientet e Drejtorisë së Tiranës.
Me thirrjet “poshtë qeveria”, e duam Shqipërinë pa Edi Ramën”, “e duam Tiranën, pa Erjon Veliajn”, “nuk kemi frikë”, protestuesit kërkuan lirimin e menjëhershëm të protestuesve.
Ndërkohë, ish-Kryeministri Sali Berisha, përmes një mesazhi të marrë nga një qytetar, zbulon se, babai i drejtorit aktual të Policisë së Tiranës, Dhimtraq Ziu, Daqi Ziu, gjatë kohës së komunizmit ka kërkuar dënimin me vdekje të gjyshit të Dorian Protoduarit, Asqeri Protoduari.
Postimi i Berishës:
Qendrestaret e Astirit, e revotes me te gjate ne historine e Europes se Pasluftes se Dyte Boterore, marshojne drejt drejtorise se policise per lirimin e Dorjan Protoduarit, arrestuar sot me urdher te Edvin Kristaq Urrejtes dhe Vasal Kimikut nga narkopolicet e tyre.
Përshëndetje i nderuar Doktor! Babi i Dhimitraq ziut , Daqi ziu ka kerkuar te denohej me pushkatim gjyshin e Dorit Asqeri Protoduari Agjitacion e propagandë.
Asqeri Protoduari u arrestua në vitin 1979, për “sabotim ekonomik”, akuza zyrtare “kishte sabotuar tokën duke e punuar cektë” dhe u dënua me 21 vjet burg.
