Qytetarët e Shqipërisë po protestojnë kundër njeriut që ka ikur tashmë. Shqiptarët po e kuptojnë se e keqja më e madhe e këtij vendi është përfaqësuesi i krimit të organizuar. Kështu u shpreh Monika Kryemadhi, kryetare e LSI-së, në nisje të protestës së opozitës.
Kryemadhi tha se në këtë protestë asnjë nga qytetarët nuk përfaqëson flamujt e partive politike, ndërsa shtoi se punonjësit e administratës publike janë shantazhuar dhe kërcënuar që mos marrin pjesë në protestë.
Kryemadhi tha se shqiptarët po kërkojnë atë sistem vlerash që kanë aplikuar dhe çdo ditë që kalon do të jetë e zezë për Edi Ramën dhe e bardhë për shqiptarët.
“Jemi ngritur për të rrëzuar këtë sistem të kalbur që e ktheu Shqipërinë në strehën e krimit të organizuar”, tha ajo.
Sipas saj, sot shqiptarët janë ngritur në këmbë kundër një sistemi që është kapur nga krimi i organizuar.
