Dy shqiptarë janë arrestuar nga policia italiane pas një kontrolli rutinë, ndërsa u sekuestruan 530 gramë heroinë.
Shqipëtarët, emrat e të cilëve ende nuk bëhen publik, janë të moshës 33 dhe 47 vjeç, ndërsa mbi ta rëndon akuza e shitjes së drogës në sasi të mëdha.
Ngjarja ka ndodhur mbrëmjen e 17 shkurtit në Rugareto. Patrulla e policisë vendosi të kontrollojë një automjet tip Ford-C-Max, i cili kishte ndaluar në zonën e pyllëzuar në Rugareto, buzë rripit të gjelbër.
Vëmendja e policisë u tërhoq, pasi drejtuesi i mjetit bëri manovra të menjëhershme. Mediat italiane raportojnë se pas kontrollit të automjetit, policia zbuloi sasinë e drogës së fortë, ndërsa një prej të arrestuarve rezulton me preçedentë në fushën e shitjes apo trafikut të narkotikëve.
