Policia ka ngritur postoblloqe në pikat hyrëse të Tiranës, duke ndaluar dhe kontrolluar mjetet që transportojnë qytetarët nga rrethet drejt kryeqytetit.
Nga raportimet e para mësohet se forca të policisë, përfshi këtu edhe agjentë të policisë kriminale, kërkojnë nga qytetarët kartat e identitetit, me synim sikundër thuhet identifikimin e personave, nëse kanë ose jo preçedentë kriminalë apo nëse janë të kërkuar.
Kjo është hera e parë që policia ndërmerr kontrolle të tilla në prag proteste, ndërsa duket se më shumë sesa identifikimi apo kapja e personave në kërkim, kontrollet rutinë konsiderohen si presione që ushtrohen ndaj qytetarëve që duan të marrin pjesë në protest, apo duke shkaktuar vonesa në transportin e tyre.
