Fermerët e Urës Vajgurore kanë zhvilluar sot një protest, duke shprehur të gjithë pakënaqësitë e tyre lidhur me mungesën e politikave të qeverisë për prodhimet bujqësore.
Duket se problemi kryesor që kanë fermerët në këtë zonë është se nuk mund të shesin prodhimet e tyre për shkak të mungesës së një tregu apo mbështetjes nga institucionet qeveritare përmes politikave lehtësuese.
Disa qindra fermerë iu bashkuan protestës, duke hedhur në rrugë prodhimet e tyre në shenjë revolte, mbi atë që po ndodh me prodhimin vendas që kalbet për shkak se nuk mund të arrijë te konsumatori.
