Një qytetare e cila kishte ardhur nga Durrësi për protestën tha se Berisha gjatë pushetit të tij e mashtroi popullin, pasi nuk u dha pronat.
Gjatë fjalës së saj në podiumin e vendosur para kryeministrisë, ajo u shpreh se shtëpinë e saj duan t’ja marrin me projektin TID ku hyn shoqëria amerikane.
Ajo tha se Ramës dhe Berishës duhet t’ju sekuestrohen gjithë pasuritë dhe t’i jepen popullit.
“Saliu na gënjeu. Na mori vota dhe nuk na dha pronat. Kemi 30 vjet në gjyqe. Qershia mbi tortë është shtëpia ime dhe duan të ma marrin me projektin TID ku hyn shoqëria amerikane ku fshihen gjithë prapaskenat e ndyra. Projekti TID është i pabazuar. Një kryeministër që merret me problemet personale ça mund të presim nga kjo qeveri. Dua ti shoh jo në burg, por zvarrë Edi Ramën dhe Sali Berishën dhe të merren gjithë pasuritë. T’iu sekuestrohen gjithë pasuritë. T’i jepen popullit. Poshtë Saliu, poshtë Edi Rama. Zvarrë dhe fëmijët e tyre të vuajnë si fëmijët tonë.”- tha ajo.
