Nga Boldnews.al
Në një nga mbledhjet e fundit, kryeministri Edi Rama i paralajmëroi të tijët se ishin në pushtet dhe me postet e larta që ata mbanin vetëm falë tij dhe kushdo që do i dilte kundër do e shkatërronte. Aty për aty asnjë “trim” se ngriti kryet, por situata nuk është aq rozë, ku bëhet fjalë për trimërim në facebook.
E para që tha nëpër dhëmbë disa fjalë ishte trimëresha e “rënë” nga kali, Elisa Spiropali. Mesazhe e lëna në rrjetet sociale u panë si “të koduara”, si formë që po dilte nga vatha dhe ia përplaste në fytyrë Ramës dhe enturazhit të tij atë çfarë shkonte keq. Një zë tjetër kritik, më i drejtëpërdrejtë është Erion Braçe, i cili ka kaluar një hap më shumë duke u vëtëshpallur kandidat për Bashkinë Tiranë në zgjedhjet e vitit të ardhshëm.
Të dy deri më tani mund të quhen sikur po nxisin “lëvizjen “S&B” (Spiropali-Braçe) brenda Partisë Socialiste të cilës vetëm emri i ka mbetur i tillë pasi nuk ka asnjë socialist nga klasikët e dikurshëm, as në emra as në mënyrën qeverisëse. Ndërsa media me të drejtë rend pas çdo zëri kritik, duke tentuar të gjejë një “çarje”, apo “përplasje idesh”, në një parti që ka 13 vite që nuk njeh ide tjetër përveçse atë të kryetarit, nuk duhet parë aq rozë.
Të dy emrat që deri tani kanë dalë disi kundër janë një ish-zëvendëskryeministër dhe tjetra me poste mjaft të rëndësishme, Kryetare e Kuvendit dhe ministre dy herë, fillimisht Ministre për Marrëdhënien me Parlamentin dhe së fundmi deri një muaj më parë Ministre për Europën dhe Punët e Jashtme. Të ngrihesh dhe flasësh për problematika brenda qeverisjes pas vitit të 13 të Ramës në pushtet, minimalisht tregon një naivitet të thkeksuar politik.
Rama në këtë mënyrë ka qeverisur, që në ditën e parë ashtu edhe në vitin e trembëdhjetë, madje edhe në pushtet erdhi duke përfshirë në listat e deputetëve elementët më të spikatur të krimit të organizuar dhe trafikut të drogës dhe prostitucionit. Atëherë këta syresh që sot sillen si “moralist politik”jo vetëm heshtën, por u bënë pjesë e një qeverisje që mbahet në këmbë nga treshja, krim-biznes-politikë.
Një lëvizje e tillë nuk mund të vendosë në gjumë Akoma më të thellë, deri në moszgjim të plotë opozitën në vend, duke kthyer sytë nga “lëvizjet qejfmbetëse” të individëve të veçantë që deri dje Ramën e njihnin si Heroin Kombëtar Gjergj Kastrioti Skënderbeu.
Nuk mund të mjaftohen aq me individë trazovaçë që mendojnë se nxjerrja e problematikave është “opozitarizmi” më i madh, ndërsa kur thirret për të vendosur me votë, futet në rresht si gjithë të tjerët. Ndryshe nga Spiropali, deputeti i acaruar Braçe ishte në Parlament ditën që u votua për dhënien ose jo të autorizimi për heqjen e imunitetit të Belinda Ballukut, me apo pa dëshirë, ai u rreshtua me kartonin përpjetë sipas asaj që kishte vendosur Rama.
Rama duhet shkulur me rrënjë bashkë me qeverisjen e tij, pa i lën asnjë filiz të çelë dhe sidomos opozita nuk duhet të shohë spektaklin që ofrohet nga vetë qeverisja për të shpresuar e qetë se zërat kundër do e rrëzojnë njeriun që për 13 vite ka mbjellë korrupsion, varfëri, emigracion masiv dhe mungesë shprese. Lëvizja “S&B” e planifikuar ose spontane nuk është gjë tjetër përveçse anestezia e radhës për opozitariamin, më së pari atë politik dhe më pas qytetar.
