Kryedemokrati, Sali Berisha, ka shpërthyer në akuza nga foltorja e Kuvendit ditën e sotme, për zvarritjen e çështjes së Belinda Ballukut.
Ai u është drejtuar socialistëve duke u thënë se po përdoren si kukulla nga Edi Rama për rastin e Ballukut, për ta mbrojtur atë nga kërkesa e SPAK.
Sipas Berishës, socialistët janë të gatshëm të ndryshojnë dhe ligjet që të mbrojnë një hajdut.
“Jeni të gatshëm të ndryshoni ligje për të mbrojtur një hajdut që është damkosur para shqiptarëve si hajduti kryesor në historinë e kombit. Po përdoreni ju si lolo, si kukulla të vërteta. Ai po iu keqpërdor në shkallën më ekstreme. Ja tu them unë se këta avoketërit e Lubisë në sallë e kyçin gojën para të huajve, rrinë si pula kurse këtu iu nxisin ju drejt një krimi të vërtetë.”, tha Berisha.
