Kreu i Lëvizjes Shqipëria Bëhet, Adriatik Lapaj, ka reaguar përmes një postimi në rrjetet sociale, ku ka publikuar shkresën që, sipas tij, dëshmon se protesta e organizuar para Kryeministrisë ka qenë e pajisur me leje zyrtare.
Lapaj shkruan se Policia e Shtetit se ka ndërhyrë për të penguar zhvillimin normal të protestës, duke i bllokuar foninë organizatorëve që prej një dite më parë.
“Policia e Shtetit ka që dje që ka marrë peng foninë e protestës. I heq bukën e gojës atij që punon dhe mban familjen vetëm e vetëm për të mos lejuar njeri që të na mbështesë ne me qendër zëri. Protesta ka pasur leje! Kur shteti sillet si organizatë bandite, çfarë mbetet?!”, shprehet Lapaj.
Ndërkohë policia njoftoi se ka paditur në prokurori kreun e partisë “Shqipëria bëhet” Adriatik Lapaj dhe 9 të tjerë
“Specialistët për Hetimin e Krimeve të Komisariatit të Policisë Nr. 2 referuan materialet në Prokurori për shtetasit A. L., J. Sh., A. H., D. K., A. B., E. Z., S. L., E. P., M. K. dhe A. K., pasi dyshohet se ditën e djeshme, kanë prishur qetësinë publike në bulevardin “Dëshmorët e Kombit” – thuhet në njoftim.
