Në Kosovë këtë të diel po mbahen zgjedhjet lokale për 38-të kryetarët e rinj të komunave. Ndërkohë që fitorja e Shqipërisë 0-1 kundër Serbisë është manifestuar edhe në fletët e votimit.
Në një prej tyre, një votues u ka hequr “vizën” të gjithë kandidatëve dhe ka votuar Rey Manajn, sulmuesin që i shënoi dje Serbisë dhe u kthye “hero” i shqiptarëve.
Bëhet fjalë për një fletë votimi në komunën e Rahovecit, ku duket se qytetarin nuk e ka bindur asnjë prej 4 kandidaturave dhe ka shtuar një pestë, atë të Rey Manaj.
