Një aksident rrugor ka ndodhur sot në rrugën “Aleksandër Goga” në Durrës, ku janë përplasur dy automjete.
Sipas njoftimit të policisë, në aksident janë përfshirë automjeti me drejtues F. K., 54 vjeç, dhe një tjetër automjet që drejtohej nga E. N., 35 vjeç.
Nga përplasja janë plagosur lehtë dy pasagjerë që ndodheshin në makinën e 35-vjeçarit: A. N., 85 vjeç dhe B. N., 76 vjeçe.
Të dy të moshuarit janë dërguar menjëherë në spital, ku ndodhen nën kujdesin e mjekëve dhe jashtë rrezikut për jetën.
