Policia e Peqinit ka arrestuar dy drejtuesit e mjeteve të përfshira në aksidentin tragjik që ndodhi mbrëmjen e djeshme në fshatin Përparim.
Në pranga kanë rënë Baftjar Debrova, drejtues i furgonit që u përplas me mjetin e pastrimit, si dhe Përparim Bufi, drejtues i automjetit të pastrimit të mbeturinave.
Arrestimi i tyre u krye në kuadër të hetimeve për të përcaktuar përgjegjësitë konkrete në këtë ngjarje të rëndë.
Aksidenti ndodhi mbrëmë vonë, në aksin kombëtar Peqin–Elbasan, ku furgoni i drejtuar nga Debrova u përplas me automjetin e pastrimit.
Për pasojë humbi jetën Kadri Dedej (i njohur edhe si Bedri Dedej), punonjës pastrimi që ndodhej pranë mjetit të punës në momentin e përplasjes.
Ai ndërroi jetë në vendngjarje si pasojë e goditjes së fortë.
LEXO EDHE:
Aksident në Durrës, makina përplaset me barrierat metalike dhe përmbyset në rrugë
