Sot në orën 11:00 në Gjykatën e Posaçme kundër Korrupsionit dhe Krimit të Organizuar (GJKKO) ishte parashikuar seanca e parë paraprake në ngarkim të Ilir Metës.
Avokati i Metës, Kujtim Cakrani, ka kërkuar shtyrjen e seancës për shkak të një ndërhyrjeje kirurgjikale që ka kryer jashtë vendit.
Kërkesa do të shqyrtohet nga gjyqtarja Irena Gjoka, e cila do të vendosë nëse dosja do të kalojë për gjykim ose jo.
Ilir Meta akuzohet për korrupsion, fshehje pasurie dhe pastrim parash. Në ngarkim të tij janë edhe ish-bashkëshortja Monika Kryemadhi dhe tre persona të tjerë.
