Në zgjedhjet e 11 Majit, një emër i panjohur për publikun, ish-nëpunësja e Shërbimit Social Shtetëror, Sara Mila, arriti të merrte 20 225 vota preferenciale në Qarkun e Elbasanit, bashkë me diasporën, duke rezultuar si një ndër deputetet më të votuara në të gjithë Shqipërinë.
Gjithsesi, që Sara Mila ta fitonte mandatin e deputetes ishte pak a shumë e pritshme, pasi gjatë gjithë fushatës elektorale opozita ka denoncuar se ajo mbështetet nga organizatat kriminale të Elbasanit, më kryesorja banda e Suel Çelës.
E duket se pati edhe të tjera indicie që Sara Mila mbështetej nga krimi, pasi rezultati i qendrës së votimit në burgun e Elbasanit, ku nga 102 vota gjithsej ajo mori 92 vota.
E për ti mbuluar denoncimet me “show”, Sara Mila u shfaq në seancën e sotme në Kuvend me një shall, ku kishte të printuara akuzat që ka marrë gjatë fushatës elektorale për zgjedhjet parlamentare.
Por, e pyetur nga gazetarët se si shpjegohet që kishte marrë aq shumë vota në burgun e Peqini, dhe nëse a kishte bërë fushatë në që kishte marrë thuajse 90% të votave të të burgosurve, Sara Mila u bllokua dhe nuk kishte asnjë përgjigje.
“Kam përshtypjen se çfarë kisha për të thënë e thanë. Komentet e tjera janë të tepërta. Ju uroj suksese dhe të jem e sinqertë kam më shumë emocione se çdo ditë tjetër” u shmang Sara Mila, ndërsa gazetarja Meta ngulmoi disa herë për t’i marrë një përgjigje.
