Nga Boldnews.al
Në këtë të shtunë me vapë përvëluese, banorët e Beratit po jetojnë një ditë të ngjashme me diskot e lokalet e natës, ku dritat ikën e vijnë në mënyrë periodike.
Prej mëngjesit, thuajse të gjitha lagjet e qytetit furnizohen në mënyrë periodike me vetëm 30 minuta energji elektrike, ndërsa pjesën tjetër duhet të vijojnë përditshmërinë e tyre në mungesë të dritave.
Informacione të shumta të mbërritura në redaksinë e “Boldnews.al” tregojnë se autoritetet energjitike nuk kanë bërë asnjë lajmërim për situatën e vështirë energjitike apo për ndonjë problem në rrjetin e shpërndarjes.
Megjithatë, qeveria e Edi Ramës dhe institucionet rregullatore, Operatori i Shpërndarjes së Energjisë Elektrike (OSHEE ) në drejtimin e Enea Karaçit, si edhe Operatori i Sistemit të Shpërndarjes, nën drejtimin e Bledian Dalipi, duket se nuk e kanë parë të arsyeshme të japin një përgjigje ose një zgjidhje për beratasit.
Një qytet ku ka votuar 75 përqind për Partinë Socialiste të Edi Ramës duket se nuk e meriton shpjegimin nga institucionet shtetërore. Berati, qyteti që mban simbolikën politike se “nuk duan as ujë, as drita, vetëm të kemi mirë Partinë Socialiste”, trajtohet si një zonë e dorës së dytë a të tretë, të cilin, mesa duket, qeveria as nuk denjon të japë një arsye, qoftë edhe formale.
Me një qytet bastion, qeveria e Ramës dhe “ushtarët e tij”, Karakaçi dhe Dalipi e ka shumë të thjeshtë që t’u heqë nevojat jetime, siç është ajo për energji elektrike, dhe qytetarët të mos kenë as minimumin e reagimit.
Në adresën e redaksisë kanë “vërshuar” ankesa ndaj situatës së vështirë me mungesën e dritave në Berat, por asnjë mobilizimin qytetar nuk ka ndodhur deri më tani publikisht.
Beratasit duken se, vetëm për të ruajtur harmoninë dhe imazhin e qeverisë, janë të gatshëm të shtyjnë temperaturat që shkojnë deri në 40 gradë Celcius, duke ulur kokën e duke shpresuar në mëshirën e treshes Rama-Karakaçi-Dalipi që t’u kthehet energjia elektrike.
