Indentifikohet shoferi i automjetit “Audi Q8” që u përplas ditën e djeshme me disa makina të tjera në zonën e ish-Bllokut në tentativë për t’iu larguar forcave “Shqiponja”. Ngjarja në fjalë ka ndodhur rreth orës 16:30 teksa personat që po udhëtonin me mjetin “Audi” nuk iu bindën urdhrit të forcave “Shqiponja” për të ndaluar, por tentuan të arratiseshin nga “Myslym Shyri” drejt ish-Bllokut ndërsa u përplasën me disa automjete të parkuara.
Një ditë pas incidentit të regjistruar në zonën e ish-Bllokut ështe identifikuar shoferi i mjetit “Audi Q8” i cili u përplas me disa makina gjatë ndjekjes nga policia. Mësohet se drejtues ishte Joni Sadikaj i cili arriti të arratiset nga vendngjarja.
Në pranga u vendos dje pasagjeri Skerdi Sina. Gjatë largimit, Sina dhe Sadikaj kanë hedhur në tokë një armë zjarri pistoletë, e cila u sekuestrua dhe do të dërgohet për ekzaminime të mëtejshme.
Joni Sadikaj është i njohur nga policia pasi ishte në kërkim që nga janari për një ngjarje të ndodhur në Astir, ku një vajzë u mbajt e mbyllur në zonën e Astirit.
Policia vazhdon kërkimet për kapjen e tij. Pasagjeri Skerdi Sina ndodhet nën arrest dhe po merret në pyetje.
Rasti i Astirit
Pesë persona dyshohet se mbajtën të mbyllur në apartament 21-vjeçaren Sajma Qordja. Personat që u shpallën në kërkim në atë kohë ishin: Skerdi Sina, Ogert Alia, Arnold Jaho, Anduel Alia dhe Joni Sadikaj. 21-vjeçarja mësohet se ishte e dashura e Sadikajt.
Policia gjatë kontrollit në banesë gjetën 2 armë zjarri, municion luftarak dhe sende të tjera personale që do t’i shërbejnë hetimit. Qordja denoncoi rastin në polici, më pas ngjarja alarmoi zonën e Astirit pasi vajza nuk hapte derën. Është dashur ndërhyra e forcave speciale për t’u futur në apartament duke zbritur me litar nga tarraca.
