Në emisionin me “Zemër të Hapur” në News24 është trajtuar historia e një çifti, të cilët kanë pasur konflikte me njëri-tjetrin.
47- vjeçari nga Elbasani Altin Llalla rrëfeu asaj kohe se ka bashkëjetuar me një zonje të cilën e njohu nëpërmjet rrjeteve sociale dhe nga kjo bashkëjetesë erdhi në jetë një fëmijë.
Por sipas 47- vjeçarit bashkëjetuesja është larguar bashkë me të dhe e mban peng dhe nuk e lejon ta takojë. Mes te tjerash 47-vjeçari shprehu se kishte kaluar shumë peripeci pasi ish-bashkëjetuesja e ka denoncuar dhe ka kryer edhe dënim me burg për dhunë ndaj saj.
Në një rrëfim në studio, bashkëjetuesja ka treguar një version tjetër të kësaj historie. Sipas saj Altini edhe pas daljes së tij nga burgu, vazhdon edhe krijon shqetësime për të dhe se i ka ndaluar takimin e tij me djalin.
Kimetja tregoi më tej edhe se me Altinin ishte njohur nëpërmjet rrjetin social Facebook dhe ai e ngacmonte edhe pse ajo i kishte thënë se ajo ishte e martuar.
“Altini vazhdon edhe më shqetëson akoma, pasi unë djalin nuk ia kam ndaluar që ai ta takojë. Ai ka dalë nga burgu në janar. Altini më ofendon edhe mua dhe familjen time me fjalët nga më të ndryshme. Ne jemi njohur nëpërmjet rrjeteve sociale, dhe ai vazhdonte të më bezdiste edhe pse unë i kisha thënë se isha e martuar. Me bashkëshortin e parë jam njohur nëpërmjet mblesërisë. Altini dhe Gazmendi nuk kanë një marrëdhënie të mirë me njëri -tjetrin. Unë u largova nga shtëpia sepse nuk kisha më ndjenja kundrejt tij”, tha ajo.
Gjatë fjalës së saj në studio, ajo shtoi se Altini mund të ishte edhe i sëmurë duke u bazuar edhe tek deklaratat e babait të tij. Kimetja theksoi se Altini ishte i dhunshëm dhe ka ushtruar dhunë shumë herë kundrejt saj dhe se e kishte kërcënuar se do ta vriste.
“Altini aktualisht nuk ka asnjë urdhër gjykate dhe unë e kam lejuar që ai të shikojë djalin. Unë besoj se ai ka qenë i sëmurë pasi bazohem tek deklaratat që ka thënë babai i tij. Ai ishte i dhunshëm dhe më kërcënonte se do më vriste. Herën e parë që ka ushtruar dhunë ndaj meje ishte kur unë isha me vajzën tek shtëpia e tij në Elbasan dhe ai kishte pirë alkool”, përfundoi Kimetja.
