Ajo ç’ka u paralajmërua pak ditë më parë se një tokë publike po përgatitej ti jepej ndërtuesit Moisi Lazaj, u konkretizua por këtë herë si për çudi, disa këshilltarë të djathtë që ngritën zërin herën e parë, këtë herë jo vetëm heshtën por dhanë edhe votën pro që të plotësoheshin votat pasi shumë këshilltarë të majtë mungonin.
Skandali më i madh ishte fakti që prona që do të rrëmbejë Moisiu, ishte futur në rend dite me dy prona të tjera në qëndër të qytetit të Vlorës ku vendosej që do bëheshin hapësira publike ndërsa kjo lihej me klauzolë se do t’i jepej ndërtuesit.
Ka qënë këshilltari i djathtë Klodian Xhyheri dhe nën kryetari i këshillit Bashkiak Myzafer Elezi, të cilët kanë folur në lidhje me këtë skemë të shëmtuar, duke i kërkuar garanci drejtorit Juridik Dorian Demiri se edhe kjo pronë do ishte lulishte si të parat dhe jo për skemën që ishte nisur, por Demiri e ka pranuar vetë me gojën e tij se dy pronat e tjera ishin për mbulim për të tretën.
Duke nisur kontestimi nga ana e këshilltarëve, Kryetarja e këshillit e ka hedhur menjëherë në votim duke i mohuar fjalën disa këshilltarëve që donin të flisnin dhe kaloi shpejt e shpejt duke i votuar pro me 29 këshilltarë.
Këshilltari Myzafer Elezi bëri të ditur edhe faktin se për këtë çështje ka patur një kallzim penal dhe dokumentacione të tjera por urdhëri ishte më i rëndësishëm.
Sic duket qartë dhe në video, skema tashmë nisi për zaptimin e kësaj prone publike por fakti i çuditshëm është se në një kohë që qeveria shëmb një ndërtim pa leje, bllokon lejen, bllokon rrethimin dhe vendos një gjobë shumë të lartë ndaj Moisi Lazes në të njëjtën pronë vetëm një ditë përpara mbledhjes, këshilli del kundër strukturave qeveritare duke filluar procesin e faljes së kësaj prone.
Ajo që u fol u konkretizua duke treguar qartë bërjen palë me ndërtuesin.
Ironike ishin reagimet e këshilltarëve që mbronin tezën përfshirë kryetarin e bashkisë të cilët justifikonin me teorinë e zhvillimit.
Ndërkohë që sipas burimeve, pritet një hetim i thelluar i SPAK, si për skemën që po gatuhet por edhe për lejen e ndërtimit ku brënda saj, një sipërfaqe prone shtet (jo ajo që u zaptua dhe u shëmb nga IKMT) , por një tjetër në qëndër të lejes së ndërtimit, figuron Në Kadastër “shtet” ndërsa për leje është dërguar si pronë private.
LEXO EDHE:
Moisi Lazaj zapton Ujin e Ftohtë në Vlorë dhe nis ndërtimin pa leje, policia dhe prokuroria heshtin
