Një dosje e dytë hetimore që është rregjistruar në prokurorinë e Elbasanit, ka vënë në shenjestër abuzimet financiare të disa bashkive të këtij qarku, lidhur me aktivitetin ekonomik që kanë pasu me kompaninë “ECO-ELB”, e cila administrohet nga Leli Kraja.
Kjo kompani ushtron aktivitetin e saj në ambjentet e inceneratorit të Elbasanit, e cila ka si objekt grumbullimin, rehabilitimin dhe përpunimi i mbetjeve të ndryshme në qarkun e Elbasanit.
Hetimi që mori pikënisje nga një zjarr vënie e qëllimshme, fillimisht nisi në vitin 2023 për “Shkatërim i pronës me zjarr” dhe “Ndotjes së ajrit”. Por tashmë rezulton të jetë shtrirë thellë në aktivitetin ekonomik të kësaj kompanie dhe në 7 bashkitë që janë pronare.
“Ora News” ka mësuar se si pasojë e një serie veprimesh hetimore marja në pyetje e zyrtarëve shtetërorë që kanë pasur marëdhënie institucionale me kompaninë “ECO-ELB”, prokuroria e Elbasanit mësohet të tharasë ditën e sotme 10 persona me qëllim marjen e tyre në pyetje.
Bëhet fjalë për zyrtarë të Drejtorisë Juridike dhe Drejtorisë së Financave në bashkinë Elbasan, Gramsh, Peqin, Prrenjas, Cërrik, Librazhd dhe Belsh, të cilët janë thirur në prokurori për të dhënë shpjegime konkrete lidhur me aktivitetin financiar dhe kontraktual që kanë me kompaninë e administrimit të inceneratorit të Elbasanit.
Kjo kompani, e krijuar në 2021 nga të gjitha bashkitë e qarkut për të menaxhuar dhe inceneruar mbetjet urbane, sipas një hetimi të prokurorisë së Elbasanit besohet se është kthyer në një gropë financiare, ku janë shpenzuar 9 milionë euro fonde publike, pa kryer asnjë shërbim real në teren.
Sipas hetimeve të deritanishme, bëhet fjalë për një grup zyrtarësh të bashkive të mësipërme të cilët në bashkëpunim edhe me punonjësit e kompanisë “ECO-ELB” si dhe invidë politikë kanë krijuar këtë ngërç financiar.
Qytetarët kanë paguar taksa për pastrimin e mbetjeve, ndërsa mbetjet janë lënë të përhapura në natyrë dhe paratë e taksapaguesve, kanë përfunduar në xhepat e një rrjeti të ngushtë individësh të lidhur me pushtetin lokal.
“ECO-ELB” kishte si mision përpunimin dhe incenerimin e mbetjeve, një shërbim jetik për komunitetin dhe mjedisin në qarkun e Elbasanit. Por hetimet kanë zbuluar se pavarësisht pagesave të vazhdueshme dhe deklarimeve financiare optimiste, shërbimi nuk është kryer realisht në teren.
Në vend të impianteve funksionale, ekziston vetëm një mekanizëm fiktiv për të gjeneruar fatura dhe për të zhdukur fondet publike.
Sipas hetimeve kompania merret vetëm me administrimin dhe grumbullimin e mbetjeve në ambientet e hapura të inceneratorit, por nuk jep shërbimin e djegies së mbeturinave, pasi inceneratori i Elbasanit, nuk punon.
Rezulton se me vendimin bashkiak të bashkisë Elbasan në datën 11 Prill 2022 është miratuar kontrata e shërbimit midis shoqërisë aksionere “ECO-ELB” dhe bashkisë Elbasan.
Po e njëjta kontratë është përsëritur edhe për vitin 2023 dhe 2024, miratuar me vendimin e datës 31 janar 2023 dhe 23 shkurt 2024 si dhe në 2025.
Impianti i djegies gjatë vitit 2022 ka punuar rreth 24 ditë ndërsa për ditët e tjera të vitit nuk ka qenë në gjendje pune për shkaqe teknike.
Pavarësisht se impianti, nuk ka qenë funksional për më shumë se 11 muaj gjatë vitit 2022, Bashkia Elbasan dhe mbikëqyrësit e kontratës nuk kanë bërë ndërprerjen e saj, duke vazhduar ti paguajnë shoqërisë “Eco-Elb sh.a” shumën financiare prej 550 milion lekë të vjetra për periudhën nga 10 dhjetori 2021 deri 31 dhjetori 2022.
Prokuroria, ka ngritur dyshime se Bashkia Elbasan dhe 6 bashkitë e tjera të këtij qarku, kanë paguar për një shërbim të pa kryer dhe nga ana tjetër shoqëria “Eco-Elb sh.a” ka përfituar këtë shumë për një shërbim të pa kryer.
Ndërkohë nga transaksionet e thesarit Bashkia Elbasan rezulton ti ketë paguar Eco-Elb sh.a vlerën 918 milion lekë të vjetra për periudhën 1 janar 2023 deri në 29 dhjetor 2023.
Po me të njëjtën metodë edhe në vitin 2025 Bashkia Elbasan dhe 6 bashkitë e tjera, vijojnë ti paguajnë “ECO-ELB” sh.a një shërbim të pa kryer, kontratë kjo e cila është në fuqi edhe sot.
Sipas transaksionit të thesarit vlera e përfituar nga “ECO-Elb” vetëm nga bashkia e Elbasanit, është 864 milion lekë për periudhën 1 janar 2024 deri 13 shkurt 2025./Ora News
LEXO EDHE:
Abuzimi/ Leli Kaja, administratori i inceneratorit që nuk punon. Sa po vidhet në Elbasan?
Bashkia Elbasan, pranon: “Nuk ka incenerator”. Rritet çmimi për depozitimin e mbetjeve në landfill
Brenda “mbretërisë së plehrave”, pamje ekskluzive të “katastrofës” mjedisore në landfillin Elbasan
Hetimi/ “Eco-Elb” i dha 400 mijë euro, “Ergi” dyshohet për keqmenaxhimin e landfillit Elbasan
Shefi i “Eco-Elb”, Leli Kaja, ndërtim pa leje në qendër të Elbasanit? Dyshimet dhe FOTO
Tender i paracaktuar? Leli Kaja, gjysmë mln euro për menaxhimin e “mbretërisë së plehrave”
Prokuroria e Elbasanit nis hetim të dytë për inceneratorin dhe “Eco-Elb” të Leli Kajës
Mbetjet bëhen “mal”, inceneratori i fikur i Elbasanit djeg mln lekë/ Kaja: I kemi marrë pagesat!
