Nga Boldnews.al
Qyteti më i ndotur në vend, Elbasani, u tha se do të kthehej në një “atraksion pastërtie”, sepse u vu në funksionim inceneratori i përpunimit të mbetjeve urbane. Ky ishte premtimi i dhënë në një “takim madhështor” ku Rama qëndronte krah ministrit të linjës së kohës, Lefter Koka dhe pas tij “pronarët në hije”, përfaqësuesit e Klodian Zotos dhe Mirel Mërtirit. Po sot ku është Inceneratori i Elbasanit? Vështirë të dallohet me sy, pasi është mbuluar nga të katër anën me pirgje të mëdha të mbetjeve urbane që presin të incenerohen, por ai nuk punon.
Të vetmit që “punojnë” janë administratori i “inceneratorit të vdekur” Leli Kaja dhe një numër i madh punonjësish të tjerë që marrin rrogën e “benefite të tjera”, ku detyrën kryesore kanë që në prag fushatash dhe në ndonjë “vizitë blic” të kryeministrit Rama, të ndezin atë rrangallë për të punuar aq kohë sa të fiken kamerat e propagandës…
Me këtë parim po ecën edhe administratori Leli Kaja, i cili edhe pse e pranon se kjo ngrehinë ka punuar pak ditë brenda një viti, vijon të propagandojë se gjithccka është në rregull dhe remontet po shkojnë drejt përfundimit. Inceneratori i Elbasanit administrohet prej dhjetorit 2021 nga kompania Eco-Elb përmes një kontrate qiraje me Agjencinë e Administrimit të Pasurive të Sekuestruara dhe Konfiskuara, AAPSK. Ky incenerator është “pronë e sekuestruar” pas zbulimit të aferës së frikshme që në total shkon rreth 430 milionë euro, duke përfshirë edhe “gjysmëinceneratorin” e Fierit dhe Inceneratorin imagjinar të Tiranës.
Në dhjetor 2023, kompania Eco-Elb deklaroi në një përgjigje me shkrim për këshilltarët bashkiakë të opozitës se impianti kishte punuar me ditë dhe nuk kishte prodhuar energji elektrike gjatë vitit 2023. “Impianti gjatë vitit 2022 ka punuar rreth 24 ditë, ndërsa për vitin 2023 ndezja e impiantit u realizua në muajin prill dhe vazhdon funksionimi i tij. Gjatë kësaj kohe, (prill-shtator 2023) janë shfaqur defekte, të cilat kanë çuar deri në fikje të detyruar të impiantit,” thuhet në përgjigjen e administratorit Leli Kaja. është pikërisht ky ccelësmbajtës i rrangallës incenerator që pret e përcjell ekipet qeveritare qëndrorë lokalë për të bërë xhiron propagandistike mbi një vepër që lindi nga korrupsioni dhe po vazhdon të mbahet me korrupsion.
“Në Elbasan hoqëm pirgun e plehrave dhe i dhamë Elbasanit mundësinë që mbetjet t’i mbledhë dhe përpunojë në një impiant ultra modern”-tha Rama dy vite më parë, pikërisht në kulmin e skandalit të aferës shekullore të inceneratorëve.
E vërteta është krejt ndryshe dhe Kaja pas disa kërkesave të vazhdueshme të anëtarëve të Këshillit Bashkiak të Elbasanit u detyrua të paraqiste një raport mbi “funksionimin e Inceneratorit”, duke pranuar se ka punuar në kohë të shkurtër. “….Në këto rrethana, sasia e mbetjeve që nuk trajtohet depozitohet në lendfill. Kapaciteti i lendfillit është tejkaluar, pa llogaritur këtu sasinë e mbetjeve ekzistuese në lendfill, para nënshkrimit të kontratës së qirasë, midis shoqërisë sonë me AAPSK,” thuhet në përgjigje.
Përveç tejmbushjes së landfillit me mbetje urbanë që nuk incenerohen, paradoasalisht qytetarët e Elbasanit paguajnë 2500 lekë të reja për ton mbetje për tu përpunuar dhe “ineceneruar”. Ndonëse kjo kosto është në kontratë, vlera në inceneratorin e Elbasanit u kushton qytetarëve banorëve të këtij qarku gati 40 euro/ton.
“Qytetarët e Elbasanit paguajnë 2,500 lekë/ton iceneratorit për t’i shërbyer por që në fakt jo vetëm nuk i shërben po i zhvat dhe i helmon njëkohësisht”-thotë anëtarja e Këshillit Bashkiak të Elbasanit, përfaqësuese e PD-së, Bjanka Ccopja. Shqetësimin e saj në emër të anëtarëve të këshillit bashkiak që përfaqësojnë opozitën e ka ngritur edhe nëdebatin dhe ballafaqimin që është bërë në mbledhjen e Këshillit Bashkiak për miratimin e kontratës, debat i cili u censurua për mediat me ndërhyrjen e kryetqeit të bashkisë dhe përfaqësues të kopmanisë “Eco-Alb”, por deri më tani ajo që po ndodh është thjesht shtimi më I madh I mbetjeve urbane. “Kontrata midis bashkisë dhe ECO-ELB është se bashkia paguan 2500 lekë për ton dhe në këtë vlerë duhet të përfshihen tre procese; grumbullimi, trajtimi dhe incenerimi. Nga përgjigjja që kemi marrë duket qartë që bëhet vetëm grumbullim dhe bashkia vazhdon të paguajë për procese që nuk bëhen,” thotë anëtarja e Këshillit Bashkiak, Bjanka Çopja.
Një tjetër fenomen është edhe abuzimi që kryen kompania me administrator Leli Kaja. Gjatë periudhës janar-shtator 2023, kompania Eco-Elb mblodhi nga tarifa e depozitimit të mbetjeve rreth 90 milionë lekë dhe shpenzoi në tendera për karburant, makineri dhe produkte të tjera rreth 124 milionë lekë. Sipas përgjigjes së Eco-Elb, impianti harxhonte mesatarisht 8.3 litra karburant në orë dhe nëse do të punonte pa ndërprerje gjatë gjithë vitit, do të shpenzonte rreth 72 mijë litra me një kosto prej 13.5 milionë lekësh. Megjithatë, kompania Eco-Elb shpenzoi 18.8 milionë lekë verën e vitit 2023 për blerje karburanti për nevojat e impiantit. Pra nafta u ble, por energji nuk është prodhuar aq sa për të “justifikuar koston”.
Abuzim mbi një vepër të ndritur me abuzim e tashmë edhe në sytë e SPAKiistave dhe AAPSK-istave (Agjencisë së Administrimit të Pasurive të Sekuestruara dhe Konfiskuara”. Ajo që sot dihet është se Inceneratori i Elbasanit u kthye në një rrangallë që në vend të incenerimit (djegies) së mbetjeve dhe prodhimit të energisë po djeg taksat e qytetarëve dhe shëndetin e tyre.
