Gazetari Enton Abilekaj, komentoi zhvillimet e fundit politike duke kritikuar ashpër qasjen e Perëndimit ndaj Shqipërisë dhe rolin e qeverisë Rama. Ai u shpreh se opozita nuk duhet të lërë hapësira bosh, por përkundrazi të veprojë dhe të denoncojë me forcë ato që i cilësoi si sjellje të papranueshme.
“S’duhet lënë hapësira, unë jam që opozita duhet ta bllokojë hapësirën dhe të denoncojë”, theksoi Abilekaj. Ai bëri thirrje që opozita të reagojë në institucionet evropiane: “Shkoni në Komisionin e Jashtëm të Parlamentit Evropian, te PPE, takoni eurodeputetët, denonconi këtë që po ndodh.”
Abilekaj akuzoi qeveritë e Bashkimit Evropian se, vetëm dy ditë pas zgjedhjeve në Shqipëri, bëjnë lojën e Edi Ramës, duke e cilësuar përfshirjen e tyre si ‘për tu bëre fasadë”. “Kjo nuk mund të ndodhë. Ne nuk jemi vend majmunësh”, u shpreh ai me tone të forta.
Duke folur për reagimin ndërkombëtar pas zgjedhjeve, Abilekaj tha se Evropapo sillet me dy fytyra: “Na bëjnë rezoluta të shkëlqyera në parlamentet e tyre, ndërsa këtu vijnë dhe i thonë Ramës ‘bravo qoftë që fitove’, paçka se si i fitoi.”
Në fund, gazetari kërkoi që opozita t’u kërkojë llogari liderëve perëndimorë për marrëveshjet dhe qëndrimet e tyre: “Duhet t’u kërkojmë llogari kryeministrave të tyre pse bëjnë transaksione me një bandit që e ka kthyer Shqipërinë në shtëpi të drogës.”
Abilekaj:
Nuk duhet lënë hapësira, unë jam që opozita duhet ta bllokojë hapësirën, dhe të denonconi.
Për shembull, ju shkoni në Komisionin e Jashtëm të Parlamentit Evropian, shkoni te PPE, takoni eurodeputetë, ju duhet të thoni, kjo që bëjnë qeveritë e Bashkimit Evropian që 2 ditë pas zgjedhjeve vënë BE-në, komunitetin politik në Shqipëri, për tu bërë fasadë e Edi Ramës, kjo nuk mund të ndodhë, sepse ne nuk jemi vend majmunësh.
S’mund të na tallin deri në këtë farë feje, dhe duhet t’u kërkojmë llogari kryeministrave të tyre pse e kanë bërë këtë gjë, pse bëjnë transaksione me një bandit i cili e ka bërë Shqipërinë shtëpi të drogës,
Ne duhet t’u kërkojmë llogari atyre pse shtetet e tyre na vijnë këtu dhe na bëjnë… na sillen me 2 fytyra, nga një anë na bëjnë rezolutë ata deputetët që merren aty, e cila është e shkëlqyer, dhe nga një anë tjetër vijnë këtu dhe thonë bravo qoftë që fitove zgjedhjet, s’ka rëndësi që i fitove.
