Një 41-vjeçar shqiptar është ekzekutuar me armë zjarri në zonën e Artemidës në Greqi.
Mediat fqinje raportojnë se pasi ishte qëlluar me armë zjarri, shqiptari kishte telefonuar bashkëshorten e tij 36-vjeçares, të cilës i kishte thënë vetëm se ishte qëlluar nga një miku i tij.
36-vjeçarja e kërkoi atë përmes aplikacionit “Find my iPhone”, nga ku gjeti pas disa orësh vendndodhjen e celularit të tij. Së bashku me një ekip nga njësia DIAS e Policisë Helenike, ata shkuan në kryqëzimin e rrugëve Arionos dhe Anemoessas, në zonën e Artemidës, ku telefoni i viktimës u gjet i mbuluar me gjak, por shqiptari nuk u gjet.
Më pas kërkimet u zgjeruan në atë zonë ku u gjet edhe 41-vjeçari shqiptar i vrarë. Ende nuk dihet identiteti i viktimës.
