Një aksident i rëndë është regjistruar në orët e para të mëngjesit të sotëm në Tiranë, rreth orës 02:30, në aksin rrugor “Shkalla e Tujanit”-Zall Dajt”
Autoritetet policore raportojnë se automjeti me drejtues shtetasin O. C., 24 vjeç është përplasur me motorin me drejtues shtetasin B. H., 23 vjeç dhe pasagjer shtetasin O. L., 18 vjeç.
Si pasojë e aksidentit kanë humbur jetën në vendin e ngjarjes drejtuesi dhe pasagjeri i motorit, shtetasit B. H. dhe O. L.
Bëhet me dije se uniformat blu kanë arrestuar drejtuesin e automjetit, shtetasin O. C., i dyshuar për shkelje të rregullave të qarkullimit rrugor.
Policia thotë se grupi hetimor vijon punën për zbardhjen e rrethanave të aksidentit.
