Kreu i PD-së, Sali Berisha ka deklaruar se paratë e drogës në ekonomi do të ndalen me dorë të hekurt.
I ftuar në një intervistë televizive, Berisha theksoi se, këto para kanë vrarë mijëra vende pune në Shqipëri.
Kreu i PD-së, u shpreh se qeverisja e PD-së do të mbështesë industrinë dhe eksportet.
‘Narkoeuro është një dramë e tmerrshme për ne. Ka vrarë me mijëra vende pune. Nëse ju merrni statistikat e këtij shtetit do të gjeni se eksportet në Shqipëri nga viti 2023 në 2024 janë ulur me 32%.
Ka 3 vite rresht që prodhimi industrial bie nga viti në vit.
80% e parave që ushqejnë ekonominë vijnë nga droga, e vërtetuar kjo. Merr kullat ti.
Me dorë të hekurt do ta mbyllim këtë kanal.
Kur e kam mbyll me dorë të hekurt këtë kanal, rritja ekonomike ka shkuar 7 dhe 8% në këtë vend. Se ajo është një para toksike e cila investohet në beton, llogaritet si rritje, por në mënyrë absolute mjeron shumicën e popullatës.
Shkatërroi eksportet, por këto janë prodhim, punësim. Po të mbyllësh sytë e mendosh ekonominë sektori më punësues është eksporti.
Fasonëve u tha se, jeni për botën e tretë. Si mund të jenë ata për botën e tretë. Ai kishte një uzinë elektronike të klasit të parë. Edhe rroga po të prodhojmë pse qenka botë e tretë.
E kanë 10-fishuar taksën e ndërtimit. Kush e paguan këtë? Ndërtuesi? Ndërtuesi e paguan, por ai ja shkarkon qytetarëve. Merr fund kjo. Dhe unë të garantoj se shumica e ndërtuesve në Shqipëri do të votojnë për PD-në.
Pse duhet të kem unë tregues të ndërtimit më të lartë në Europë dhe të më falimentojnë njëra pas tjetrës industria, eksporti. Eksporti është sektor kryesor punësues. Ka vende që janë zhvilluar kryesisht sepse kanë shpallur politikën ekonomike të orientuar drejt eksporteve.
Ne me dorë të hekurt do i presim paratë e drogës’, tha lideri i PD-së, Sali Berisha në SYRI TV.
