Drejtuesi i “Lëvizja Bashkë”, Arlind Qori, ka dëgjuar ditën e sotme shqetësimet dhe kërkesat e qytetarëve në Vasil Shanto, Selitë, Komunën e Parisit e zona të tjera.
Arlind Qori tregon se kërkuan sërish mbështetjen e qytetarëve, me qëllim që të çojnë kauzat e tyre në Kuvendin e Shqipërisë. Ai thotë se janë plot shpresë se Komuna e Parisit do të votojë masivisht për Lëvizjen BASHKË dhe për programin e tyre në 11 maj.
Postimi i plotë:
Sot, aktivistët e Lëvizjes BASHKË, me në krye kryetarin Arlind Qori, u takuan me qytetarë të shumtë e të përzemërt gjatë ecjes elektorale në Vasil Shanto, Selitë, Komunën e Parisit e zona të tjera. Njësia 5 është një nga lagjet ku Lëvizja BASHKË dhe Arlind Qori morën mbështetjen më të madhe në zgjedhjet vendore të vitit 2023.
Dy vite më vonë, me edhe më shumë aktivitete dhe protesta në mbrojtje të interesit publik, ne rikthehemi në këtë lagje moderne dhe të majtë të Tiranës për të kërkuar sërish mbështetjen e qytetarëve, me qëllim që të çojmë kauzat tona në Kuvendin e Shqipërisë.
Lëvizja BASHKË është alternativa e re, e ndershme dhe e majtë në 11 maj, jo figurat e stërkonsumuara që zihen mes vete në një parti që nuk përfaqëson më asgjë, siç është Partia Socialiste. Jemi plot shpresë se Komuna e Parisit do të votojë masivisht për Lëvizjen BASHKË dhe për programin tonë në 11 maj.
