Lëvizja Bashkë zhvilloi të dielën Kongresin e saj të tretë, ku delegatë të zgjedhur nga strukturat në Shqipëri dhe diasporë diskutuan mbi situatën politike dhe shoqërore në vend, si edhe mbi drejtimet e mëtejshme të organizimit dhe veprimtarisë së lëvizjes.
Gjatë punimeve, delegatët analizuan ecurinë e “Lëvizjes Bashkë” që nga kongresi i fundit i mbajtur në dhjetor 2023, duke evidentuar arritjet dhe sfidat e hasura në aktivitetin politik dhe organizativ.
Kongresi miratoi gjithashtu një sërë ndryshimesh në Statutin e “Lëvizjes Bashkë”. Delegatët votuan për organet e reja përfaqësuese qendrore, duke zgjedhur anëtarët e Këshillit të ri Koordinues. Po ashtu, Arlind Qori u rizgjodh në krye të “Lëvizjes Bashkë”, duke marrë një mandat të ri si kryetar i forcës politike.
Ky i fundit, pas rizgjedhjes në krye të “Lëvizjes Bashkë” deklaroi se se nuk do të kandidojë më për këtë post në vitin 2029.
