Drejtuesi politik i Partisë së Lirisë në Qarkun e Beratit dhe njëkohësisht kandidati për deputet për zgjedhjet e 11 Majit, Lefter Maliqi, ka reaguar në lidhje me mitingun e mbajtur nga opozita ditën e djeshme në Kuçovë.
Përmes një postimi në rrjetet sociale, Maliqi shprehet mjaft entuziast, ku e konsideron si një miting supermadhështor dhe një tërmet për “Rilindjen”. Sipas Maliqit, koalicioni i opozitës do të bëjë suprizën në Qarkun e Beratit, duke fituar 4 me 3 me mandate.
“Plasi në Kuçovë! Tërmet për Rilindjen, miting super madhështor, festiv, me Liderin doktor Sali Berisha. Fitorja në Kuçovë dhe Qarkun Berat, do jetë surprizë, 4:3 për PD dhe “Aleancën për Shqipërinë Madhështore”! S’keni parë gjë akoma! Uragani i fitores nuk ndalet! Së shpejti mitingu përmbyllës surprizues në Berat!Mirënjohje” – shkruan Maliqi, teksa publikon edhe disa foto nga mitingu.
