Gazetari dhe analisti Andi Bushati e konsideron atë se çfarë ndodhi me ‘përplasjen’ e delegimit të kompetencave në Bashkinë e Tiranës, si një konflikt vëllavrasës brenda ‘Rilindjes’, një konflikt tashmë i hapur dhe pa u fshehur.
Bushati tha se kryebashkiaku i arrestuar, Erion Veliaj mund të jetë në burg për fustanet e bashkëshortes së tij, por pas incineratorit dhe skemës ‘5D’ qëndron Edi Rama.
Sipas Bushatit, ka dyshime të forta se pas burgosjes së Erion Veliajt, qëndron Edi Rama.
“Së pari, tashmë konflikti vëllavrasës brenda Rilindjes është i konfirmuar, konflikti është i hapur. E dyta, edhe Bashkinë e Tiranës si të gjitha pushtetet i komandon Rama. Veliaj mund të jetë në burg për fustanet dhe të mbathurat e Ajolës, po për incineratorët e 5D, është përgjegjës drejtuesi i tij, Edi Rama. Rama s’ka asnjë tagër të ndërhyjë në bashki, ajo që ne nxjerrim si konluzion, që Rama si të gjitha institucionet s’ka krupuj. Komandën e kam unë, kshu ka ndodhur dhe më parë. Teoria e atyre që hanë kumbulla e dardha pas shpinës së shefit, bie në vetë veprimet e Ramës. Konluzioni i 3, nese kur u arrestua Veliaj ne kishim dilemma, sot këto dilema u shuan në raportin se kush ka qenë prapa burgosjes së Veliajt.
Dyshimet po bëhen më të forta se pas tyre qëndron Rama. Pse duhet t’i hiqte njerëzit e Veliajt nga bashkia, nëse s’do ishte. Ka disa fakte që tregojnë, se veliaj në rastin më të mirë është goditur e arrestuar me lejen e atij lart, ose në rastin më të keq ka qenë vullneti i atij lart për ta burgosur Veliajn. Nëse është kshu që provat po shtohen përditë. Nëse arrestimi i Veliajt që u propagandua si goditje e madhe nga SPAK ka qenë me leje të frymëzuar politikisht apo jo.
Kjo vlera morali, njëlloj qasje përunjur ndaj publikut kanë vlerë në sisteme demokratike ku vota numërohet. Te ne s’ka asnjë vlerë, pavarësisht personave, makineria manipuluese vepron njësoj. Rënia e Veliajt s’do ndikonte në PS”, tha Bushati.
