Gjykata e Lartë rrëzon rekursin për ish deputetin e PD, Ervin Salianji i cili kërkoi lirinë në prag të zgjedhjeve parlamentare të “11 majit”.
“Mospranimin e rekurseve të paraqitura nga të giykuarit Jetmir Olldashi dhe Ervin Salianji, kundër vendimit nr.2059/30-2024-6822, datë 26.09.2024, të Gjykatës së Apelit të Juridiksionit të Përgjithshëm”,. thuhet në njoftimin e shkurtër për mediat.
Pas këtij vendimi, Gjykata e Lartë mbron trafikantin Geron dhe “ish-hetuesin” Fatmir Xhafa duke lënë në burg Ervin Salianjin i cili e quan procesin si të montuar dhe e cilësoi veten si të dënuar politik.
Më 26 shtator, Gjykata e Apelit vendosi lënien në fuqi të dënimit me 1 vit burg për veprën penale të kallëzimit të rremë për Ervin Salianjin.
Kujtojmë që më datë 15 tetor 2024, Gjykata e Lartë refuzoi një kërkesë të ish-deputetit demokrat Ervin Salianji, për pezullimin e dënimit me 1 vit burg nga Apeli.
