Një plagosje me thikë është regjistruar mbrëmjen e djeshme në lagjen “Xhevdet Nepravishta” të Lushnjës.
Mësohet se dy të rinjët janë konfliktuar me njëri-tjetrin për motive të dobëta dhe sherri ka degraduar deri në plagosjen me thikë të njërit prej tyre.
I plagosur ka mbatur shtetasi Ardian Ymeri, 26 vjeç, banues në Karbunarë , i cili ndodhet në spital, në kujdesin e mjekëve, teksa autoritetet raportojnë se ai ka marrë dëmtime të rënda.
Ndërkohë, autori i dyshuar i ngjarjes është shtetasi Erbion Çërraga, 25 vjeç, banues në Stan Karbunarë. Ai është arrestuar nga Policia e Lushnjës pas krimit, teksa akuzohet për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”.
Materialet procedurale i kaluan Prokurorisë së Fierit për veprime të mëtejshme.
