Nga Basir Çollaku
KM në ikje Edi Rama, ndoshta i pa detoksikuar kohët e fundit ka hapur thesin e miliardave dhe atë të batakut leksikor kundër PD. Halleshumi nuk do i mungojë ndjekjes penale familjarisht.
Ata janë në garë kush bën më shumë vepra penale. Shthurja në komunikim, ulërimat për pushtet të dhunshëm janë frika nga burgu. Të korruptuar, trafikantë, vrasës, dhunues, mafiozë, ortakë të bandave të gjithë janë laku në fytin e tij.
Vërshimi elektoral ka angazhuar shumë grupe të paligjshme. Ka firmosur leje kullash e resortesh në prag zgjedhjesh për një dorë milionash euro. SPAK i dha një dorë me “amnistinë” e përkohshme për vëlla Olsin dhe Erionin e bashkisë.
Njëherësh nuk e trazojnë për AKSHI dhe Eco Park ku janë familjarë të KM në një moçal korrupsioni dhjetëra milionë eurosh. Çunat e karteleve të kokainës të Dubait, Londrës, Holandës, Kolumbisë, Ekuadorit, Venezuelës, Meksikës, kanë hedhur këstet zgjedhore. Me gjasë kanë edhe përfaqësuesit e tyre si kandidatë. Në mungesë të vëlla Soros me dekretet Trump për hetim financash Rama është përballë marrjes së pandehur.
Inceneratorët, Teatri, Charles, Porti Durrës, investime strategjike call centerat ku del i vëllai, dosje ndërkombëtare të sky-enchro janë gropa kriminale ku është zhytur qeveria. 11 maji janë zgjedhjet ndërkombëtare të kokainës. Kontratat miliardësh të pastrimit të parave kanë angazhuar buxhete marramendëse për kandidatët qeveritarë.
Garanci e tyre është KM. SPAK duhej të kishte nisur hetimet intensive pas kallëzime publike të Arben Ahmetajt. Klinika-hotel në Bolzano duhej të ishte telefonuar. Regjistrat shërbimet dhe pagesat e biznesmenit dhe zonjës televizive duhet të ishin të dhënat e një procedimi penal. Lejet e ndërtimit të biznesmenit sponsor duhet të ishin sërish në dosje. Bashkangjitur me favoret për paguesit e charterave për udhëtimet personalë të Ramës. Kokaina ka dalë në terren. Në terren ka premtuar se do të dalë edhe SPAK.
Ajo çfarë është emergjencë është fakti se ose KM ose SPAK duhet të bëjnë një detoks. Si fillim në Bolzano. Pastaj nëpër skutat e sky-enchro. Rama në gjendjen e rënduar e ka domosdoshmëri. Mund të marrë dhe disa ministra e disa bashkiakë me vete. Prokuroria nëse vonon rezulton e kompromentuar. Siç thotë jo rrallë një prokuror i SPAK me gjysëm shaka..” Kam frikë të hap një dosje se më del i përmendur emri i Kryeministrit…”Ndryshe duhet të bëjnë kutitë e votimit detoks nga vota e plaçkitur..
