Papunësia arriti deri në 6.4% gjatë muajit janar nga 6% që ishte dhjetorin viti të kaluar, duke shënuar një rekord të ri në dekadën e fundit në Gjermani.
Sipas Agjencisë Federale të Punësimit, 2,993 milionë qytetarët kanë rezultuar të papunë gjatë këtij janari, shifra këto më të larta në krahasim me vitet e kaluara.
Numri i të papunëve është më i larti në Gjermani që nga shkurti i vitit 2015, kur arriti në 3.017 milionë.
Sipas autoriteteve gjermane, rritja e ndjeshme e papunësisë në muajin janar i atribuohet pjesërisht përfundimit të shumë kontratave të punës në fund të vitit, ndërsa shumë vende pune humbasin edhe për shkak të kushteve atmosferike.
Mirëpo, nuk janë vetëm këta shkaktarët, sqaroi kreu i Agjencisë, Andrea Nalles.
“Dobësia ekonomike po lë shenja gjithnjë e më të thella,” vuri në dukje ai, duke shtuar se kërkesa për fuqi punëtore është gjithashtu në rënie.
Në janar u raportuan 632,000 vende të lira pune, 66,000 më pak se një vit më parë.
Nga ana e punëdhënësve, kryetari i shoqatës përkatëse, Rainer Dulger, foli për një “sinjal rreziku” në tregun e punës dhe theksoi se “është koha për veprim”.
