Janë zbardhur detaje të reja nga plagosja me armë zjarri e një 15-vjeçari me armë zjarru, ende në rrethana të paqarta, mbrëmjen e kësaj të enjteje në Fushë-Mëzez në Tiranë.
Babai i të miturit ka deklaruar për Policinë se sapo kanë dëgjuar të shtënat, kanë dalë menjëherë jashtë nga banesa dhe e kanë gjetur 15-vjeçarin të plagosur. Sipas babait, i mituri kishte dalë nga banesa, pak para se të dëgjonin të shtënat.
Ka qenë babai, ai i cili më pas e ka dërguar tek spitali i Traumës, ku mësohet se i mituri është në gjendje të mirë shëndetësore.
Ndërkohë, burime bëjnë me dije se i mituri nuk ka pranuar të flasë pavarësisht se oficerët gjyqësore kanë tentuar disa herë ta marrin në pyetje.
Blutë e kryeqytetit ende nuk e kanë të qartë se ku ka ndodhur plagosja, teksa janë ngritur pika kontrolli nga policia dhe disa grupe të tjerë po verifikojnë dhe kontrollojnë zonën.
