“Shqiponja” prej çeliku, e cila ishte e vendosur tek ish-rreth rrotullimi tek dogana dhe që u hoq në vitin 2018, për shkak të projektit të Unazës së Madhe ka gjetur “fole” të re.
Ajo do të vendoset në Kukës, tek rrethrrotullimi i Gostilit, në hyrje të qytetit verilindor. Lajmin e ka bërë me dije deputeti i PS-së Pandeli Majko, i cili thotë se ka gjetur dakordësinë e kryeministrit Edi Rama, kryebashkiakëve të Tiranës dhe Kuksëit, si dhe biznesmenit Lazim Destani, i cili është financuesi i asaj vepre.
“Shqiponja”, vepër e derdhur në çelik të rëndë, me lartësi 10 metra (shqiponja, 6 metra e lartë dhe me bazament katër metra) u vendos me rastin e 100 vjetorit të Pavarësisë së Shqipërisë sheshin e pagëzuar me të njëjtin emër që ndodhet në hyrje të Tiranës, në një ceremoni të organizuar asokohe nga kryeministri Sali Berisha e kreu i Bashkisë Lulzim Basha. Ajo është vepër e artistit Albi Cifligu.
