Teksa ka nisur protesta e radhës e opozitës para Bashkisë së Tiranës, ka pasur tensione mes mbështetësve të opozitës dhe disa qytetarëve.
Shkak për këtë është përpjekja e protestuesve për të bllokuar rrugën dhe mospengimi i mjeteve që vinin nga Bulevardi Dëshmorët e Kombit nga ana e policisë.
Një prej drejtuesve ka dalë nga makina dhe ka debatuar me protestuesit. “O zotëri, kam kalamajtë në shkollë. A ka mundësi të kalojmë ne dhe vazhdoni pastaj”, dëgjohet të thotë ai.
Ndërhyrja e efektivëve të policisë ka bërë që debati të mos përshkallëzohet.
