Takimet e dyshimta tradhtuan shqiptarin, teksa bënte “dy punë” në Imola. Fillimisht iu zbuluan rreth 1 mijë euro dhe 5 gramë kokainë, kurse në banesë u zbulua baza me 1200 euro dhe mbi 250 gramë marijuanë. Një çelës garazhi i çoi karabinierët tek baza ku mbante materialet e vjedhura dhe pajisjet. Droga fshihej në kavanoz embëlsirash.
E ndoqën për një kohë të gjatë, derisa zbuluan aktivitetin e tij të trafikut të drogës dhe gjetën gjithashtu një sërë sendesh të vjedhura, pasi kryente edhe aktivitet kriminal si ‘skifter’.
Për këtë arsye, agjentët e komisariatit të Imolës në Itali, arrestuan një 39-vjeçar shqiptar, për posedim dhe tregtim të lëndëve narkotike, dhe marrjen e materialeve me origjinë të paligjshme.
Operacioni u zhvillua të shtunën (23 Nëntor), kur i dyshuari po shkonte drejt makinës, teksa bënte hyrje-dalje të çuditshme në zonë dhe takoi një të ri tjetër, që ishte nën hetim prej muajit mars të këtij viti.
Oficerët, përmes përndjekjes dhe vëzhgimit të lëvizjeve të tij, kishin vënë re se shqiptari “takonte njerëz me një frekuencë që nuk përputhej me miqësitë normale”, shkruan “Il Resto del Carlino”.
I ndaluar nga oficerët, ai u kontrollua: 450 euro të holla i gjetën në portofolin e tij, ndërsa 510 të tjera u shfaqën nga xhepi i xhaketës së tij, të fshehura në një kavanoz me ëmbëlsira, edhe gjashtë mbështjellje me kokainë, 5 gramë.
Kontrolli i mëpasshëm i shtëpisë në fshat, çoi në zbulimin e më shumë parave: 1050 euro të fshehura në një gardërobë dhe 140 euro në një qese. Më pas në bodrum efektivët zbuluan dy pako të mbushura me marijuanë, me peshë totale 200 gramë, si dhe tre pako të tjera me 51 gramë brenda.
Më tej u gjet një pistoletë bosh, së bashku me mjete dhe materiale tipike për tregtimin e drogës, si dy peshore precize, rrotulla celofani, letër dhe një makinë ambalazhimi me vakum. I dyshuari mbante një çelës të dytë, që i korrespondonte një garazhi, në një pallat afër shtëpisë së tij. Brenda, efektivët gjetën dy biçikleta elektrike të vjedhura, njëra e vjedhur më 13 nëntor dhe tjetra më 6 nëntor, të dyja në Imola. Biçikletat më pas iu kthyen pronarëve të ligjshëm.
“Midis objekteve të ndryshme të sekuestruara, u gjetën edhe mjete të shumta ndërtimi, duke përfshirë dy kaçavida, dy mulli, tre trap, dy sharra elektrike, dy pistoleta kryesore, një ventilator, një çekiç prishjeje, një çekiç, një frezë dhe një fshesë me korrent lëngje, si dhe skuter dhe pajisje për karikimin e baterive. Prejardhja e këtyre objekteve nuk ishte e justifikuar”, shkruan media në fjalë.
Për këtë arsye, 39-vjeçari u arrestua për posedim dhe tregtim droge dhe marrjen e materialeve me origjinë të paligjshme.
